Litlu jólin voru haldin í skólanum þriðjudaginn 20. des. Nemendur mættu kl.12:00 og var byrjað með hefðbundnum stofujólum þar sem skipst var á jólakortum og pökkum en síðan komu foreldrar og aðrir gestir kl. 13:30 og voru þá nokkur tónlistaratriði og séra Guðjón las Jólaguðsspjallið. Siðan var dansað í kringum jólatréð og jólasveinar mættu á svæðið með góðgæti fyrir börnin. Að endingu var boðið upp á heitt súkkulaði og kökur.  (Myndir)

Kennsla hefst á nýju ári 4. janúar kl 10:30

Tónlistardagur Steinunnar var haldinn fyrsta desember og hittist svo vel til að þá var einnig        "Dagur íslenskrar tónlistar" og af því tilefni voru spiluð þrjú íslensk lög samtímis á öllum útvarpsstöðvum svo landinn gæti sungið með.

Hér í skólanum voru ekki eingöngu íslensk lög leikin og sungin heldur slæddust nokkur erlend með og svo að sjálfsögðu nokkur jólalög. Foreldrar mættu vel eins og ávalt á þennan dag og skemmtu allir sér vel. Alltaf gaman að heyra og sjá hvað krakkarnir eru dugleg við tónlistarnámið. (Myndir)

Fyrsta vísbendingin um að það styttist til jóla er hið árlega jölaföndur foreldrafélagsins. Í ár var það í fyrra fallinu eða 25. nóvember. Komu þær Ásdís, Áslaug G. og Þóra með ýmislegt skemmtilegt fyir börnin (og fullorðna) að gera. Var þátttaka mjög góð í ár og mátti víða sjá gott handbragð og fallegar afurðir enda vant fólk á ferðinni. (Myndir)